28March2024

gerenzanoforum.it

La piazza di Gerenzano dal 2002

You are here: Home Storie Dialetto La vaca zopa che han men'a' al Secrus

La vaca zopa che han men'a' al Secrus

"Lava su Giuan, ta sentan no la vacca che la vusa?

L’è in calur, bisogn pourtala al Secrus".

 Quand oul Giuan al va li per tirala fora,

 dalla stala la g’ha i ong long, s’in imbarcà

 l’ha voultà là coi gambi in lari.

 Quand l’ha tirà sou l’è zoppa, "Oh! Signur,

 mi che t’u fa la crus, g’ho teià ouna gamba

 doul tavul per fatala, fam la grazia

 fam in stà in pè la vacca".

 Oul Giuan al va ciamà oul farèè

 per taiaghi i ong alla vacca.

 "G’u temp no, te veden no s’um

 drè feràà oun caval, ciapa su la tenaia

 e taiaie ti", "mi soun bon no", "alura specia

 che ho finìì poi vegni la mi".

 Quand arrivan a cà, vedan la vacca

 che l’è li in pè, la Maria, la so dona,

la g’ha taià l’altra gamba doul tavul, ga l’ha

ligà sou alla gamba della vacca stramba.

Quand oul farèè a ga taiàà ben ben i ong

la vacca la comencia ha camminàà,

dasiot, dasiot, s’avvian vers oul secrus.

Nel passà la gent sulla strada ognun dis la sua:

"Alla vaca g’han taccà la gamba doul tavul,

o l’è zoppa o l’è stracca, guarda come i’han

taià ben i ong, ghe manca de pitturai,

la và al secrus coul tor a spus,

ehi Giuan, ta s’è andà a cunfessas

a dig al pred che t’è rubà oun sughet (corda)

ma taccà al soughet te gh’era taccà la vacca".

Quand oul Giuan l’è rivà al secrus,

portan dent la vacca nella stalla,

oul tor come la ved l’era già oun po 

da di che l’era in astinenza, ghe vegn

fora oul fum di naris, come un tramurot

al ga salta addos, ma la vacca che l’è

zoppa, la burla giò, la gamba doul tavul

la ga va a sbat sui bal del pour tor,

la dà oun muggito in sci fort

che al s’è sentù fina su al campanil della gesa.

 

L'alter Giuan, secrista, l’ha fàà sunà

i campan in onur ai bal da tor del Secrus.

Maurin Moretti